Dende o Equipo de Educación Física e dentro do Proxecto Deportivo do Centro, estamos organizando un concurso de debuxo coa mascota deportiva do centro.
Consistiría en debuxar no modelo facilitado polo centro, unha mascota cun nome que simbolice o espíritu deportivo, o xogo limpo, os valores propios do deporte lúdico como medio para estar activos e saudables.
Mais para facelo, debemos contar coa vosa axuda de forma que orientedes, animedes e axudedes na medida do posible aos vosos fillos a levar a cabo dita proposta.
Soamente se levará a cabo a proposta, se hai un alta porcentaxe de colaboración por parte do alumnado do CPI de Zas.
Facendo "clic" na seguinte imaxe, poderedes descargar o documento para debuxar a vosa mascota, lembrade poñerlle un nome orixinal.
Os debuxos recolleranse á volta das vacacións de Nadal (preferiblemente deben entregarse aos titores correspondentes, con nome, apelidos e curso polo dorso do debuxo).
Moitas grazas pola vosa participación!!
Boas festas e feliz ano 2019!!!